Evitarase o uso indebido da plataforma para minimizar os riscos ás persoas.
No caso de que observe algunha anomalía no funcionamento da maniobra, a persoa encargada do servizo ordinario dos montacoches avisará á persoa conservadora.
Unha vez en uso, os elementos e equipos da instalación só serán manipulados polo persoal da empresa conservadora, que subministrará as indicacións para caso de emerxencia á persoa encargada do servizo ordinario.
A iluminación do recinto permanecerá apagada, agás cando se proceda a reparacións no interior do mesmo.
Únicamente accederán ó cuarto de máquinas a persoa encargada do servizo ordinario e o persoal da empresa conservadora.
A empresa instaladora facilitará unha chave para apertura de portas en caso de emerxencia á persoa encargada do servizo ordinario dos ascensores.
O uso desta chave limitarase exclusivamente ás operacións de rescate das persoas que viaxasen no camarín no momento da avaría.
PRESCRIPCIÓNS
O cuarto de máquinas será accesible unicamente á persoa encargada do servizo ordinario e ó persoal da empresa conservadora.
Se algunha das comprobacións realizadas polo usuario fose desfavorable e observase algunha outra anomalía no funcionamento do montacoches, deberá deixar este fóra de servizo cortando o interruptor de alimentación do mesmo e colocando en cada acceso os carteis indicativos de "Non Funciona" e avisará a a empresa conservadora.
Se a anomalía observada é que pode abrirse unha porta de acceso ao montacoches sen estar fronte a ela o recinto, ademais do letreiro de "Non Funciona", deberá deixarse fóra de servizo o montacoches e condenarse a porta, impedindo a súa apertura.
Os elementos e equipos da instalación deberán ser manipulados única e exclusivamente polo persoal da empresa fabricante ou polo servizo de mantemento contratado para tal efecto (empresa conservadora, autorizada por os Servizos Territoriais da administración Pública).
Calquera deficiencia ou abandono na debida conservación da instalación deberase denunciar diante da Delegación de Industria correspondente, a través do propietario ou administrador do inmoble.
Deberase conservar en bo estado o libro de rexistro de revisións.
Sempre que se revisen as instalacións (atención de avisos, engraxes e axustes, reparación ou recambio de calquera compoñente do conxunto), un instalador autorizado deberá reparar os defectos atopados e repoñer as pezas que así o precisen.
PROHIBICIÓNS
Non se colocará máis carga da que indique a súa placa. Nas plataformas elevadoras, está totalmente prohibido que suban persoas.
Non se utilizará cando, directa o indirectamente, se teña coñecemento de que non reúne as debidas condicións de seguridade.
Non se fará uso do botón de parada, salvo no caso de emerxencia.
Non se utilizará como montacargas, para evitar a súa deterioración.
Non se maltratarán os seus acabados nin a súa botoneira.
Non se obstaculizará o peche das súas portas.
MANTEMENTO
POLO USUARIO
Cada 6 meses:
Comprobación de:
O cumplimento das instruccións da empresa conservadora.
O bo funcionamento do montacoches.
O correcto funcionamento das portas.
A nivelación do camarín en todas as plantas.
Baixando a pé, comprobarase en todas as prantas que as portas semiautomáticas non se poden abrir sen que esté o camarín parado nesa pranta.
POLO PROFESIONAL CUALIFICADO
Cada mes:
Limpeza do foso do recinto da plataforma.
Comprobación do funcionamento da instalación de iluminación do recinto, reparándose os defectos atopados.
Limpeza do cuarto de máquinas evitando que caia suciedade ó recinto.
Cada 6 meses:
Revisión e emenda dos problemas que xurdan nos montacoches, polo menos nos seguintes elementos:
Portas de acceso e o seu encravamento.
Grupo tractor e mecanismo de freno.
Topes elásticos e amortiguadores.
Alarma e parada de emerxencia.
Plataforma e o seu acceso.
Circuítos eléctricos de seguridade, sinalización e manobras que afectan á seguridade.
